إيجار ليموزين في مطار القاهرة  آخر رد: الياسمينا    <::>    ليموزين المطار في مصر الرفاهية والراحة في خدمة المسافرين  آخر رد: الياسمينا    <::>    حفل تكريم أوائل الثانوية العامة للعام الدراسي 2023.  آخر رد: الياسمينا    <::>    دورة البادل، كانت فكرة وبالجهد نجحت  آخر رد: الياسمينا    <::>    لاونج بموقع مميز ودخل ممتاز للتقبيل في جدة حي الخالدية  آخر رد: الياسمينا    <::>    تورست لايجار السيارات والليموزين في مصر  آخر رد: الياسمينا    <::>    كود خصم تويو 90% خصم 2024  آخر رد: الياسمينا    <::>    كود خصم تويو 90% خصم 2024  آخر رد: الياسمينا    <::>    المحامية رباب المعبي تحاضر عن مكافحة غسل الأموال وتمويل الإر...  آخر رد: الياسمينا    <::>    مساعدة عائلة محاصرة في قطاع غزة يواجهون مخاطر الموت  آخر رد: الياسمينا    <::>   
 
العودة   منتدى المسجد الأقصى المبارك > إستراحة المنتدى

 
إضافة رد
 
أدوات الموضوع ابحث في الموضوع انواع عرض الموضوع
 
  #1  
قديم 02-22-2012
ابو البراء الشامي ابو البراء الشامي غير متواجد حالياً
عضو مرابط
 
تاريخ التسجيل: Oct 2009
المشاركات: 823
افتراضي تنزيلات سارة/ السلفي الموديرن

عرض اليوم:
اهلا وسهلا بيكم.....
احنا جينا لكم النهارده ومعانا عرض جديد ورهيب..
وعرض النهارده مفأجاه بكل معاني الكلمه...
عرضنا النهارده هو.....المرشح السلفي..!!!!!
أيوا انتا مغلطتش في القراءه....المرشح السلفي هو عرضنا النهارده...
والمرشح السلفي في الحقيقه ليه مزايا كتيره جدا منها انه:
1-المرشح السلفي بشوش ودايما بيضحك ..ومش شايل هم أي حاجه...وبيحسسك دايما ان الدنيا لسه بخير...وأن الطقس في غاية البداعه..وكمان ان نهارك سعيده مبارك...
2-(سعة 6 جيجا) اسلاميات وقرآن وأحاديث...بحيث لو مليت شويه وانتا في (البرلمان) ممكن تشغله وتراجع لك جزئين تلاته علي ما المناقشه تخلص...
3--سعة(14) جيجا لجميع فتاوي حرمة الخروج علي الحكام..وفتن آخر الزمان...مع برنامج خاص يذكرك كل ربع ساعه ان (الاستبداد خير من الفوضي)...
...عشان كدا كل الخبراء العسكريين بينصحوا النهارده بالمرشح السلفي...لانه مبرمج علي ان الخروج علي الحاكم،او نصحه في العلن،او انتقاد توجهاته حرام.....فبديهي انه مش هيعارض ابدا..او ياخد اي موقف.
4- المرشح السلفي اللي معانا النهارده يا جماعه استاذ في فن الخداع والنفاق والتزييف...يعني الجيل الاول منه كان بيقول ان الانتخابات حرام،وان الديمقراطيه كفر...لكن بحمد الله نجحنا في تطوير الجيل التاني واصبح النهارده بيقول ان الانتخابات جائزه شرعا...وان الديمقراطيه زي الشوري بالضبط...وعندنا امل في ربنا كبير ان الجيل الثالث من المرشح السلفي تكون عنده الكفاءه اللي تأهله للعمل كمذيعة أخبار في التلفزيون الحكومي...بس انتوا قولوا يارب...!
5- ومفاجأتنا النهارده...المرشح السلفي يا جماعه مصفح...ايوا مصفح يعني التفجيرات والاغتيالات والكلام دا كله ما بيكلش معاه...ليه...؟؟؟
لانه اولا مرشح متوكل علي ربنا...
ثانيا: مرشح وسطي..من بتوع انت والاخر...
ثالثا-ودا الاهم- ان هو واخد دوره تدريبيه في امن الدوله عن كيفية التجسس علي جميع الجماعات الجهاديه...وعن انه ازاي يقدر يحمي نفسه عند اللزوم...
يعني المرشح السلفي مش هيكلف الدوله حمايه أو اي نفقات ترهق الخزينه....أو تسبب عجز في ميزانية المدفوعات...
6- وطبعا احنا مش ناسيين اخوانا العلمانيين والليبراليين المئطئتين...
عشان كدا زودنا المرشح السلفي بمجموعة برامج كلها بتأكد ان العلماني دا مسلم وموحد وانه مهما كفر وتزندق وتعدي حدوده فهو أخ مسلم لا يجوز تكفيره بأي حال من الاحوال...وطبعا كله شاف تجربه عمليه مع(الاخ سيد علي...والاخت هناء السمري..وطبعا مع الاخ الفاضل أنس الفقي)....!!
7- وبالنسبه يا جماعه للنصاري اللي عندهم تخوف من عرضنا النهارده...نحب نطمئهم ونقولهم متخافوش...لان بينزل مع كل مرشح سلفي (سي دي) هديه بيقول انكم اهل ذمّّه....وانكم ممكن تبنوا كنايس عادي جدا...وممكن تعتقلوا اي حد يفكر انه يدخل في الاسلام براحتكم خالص...
ومش كدا وبس....احنا كمان زودنا المرشح السلفي بفتوي مسجله بنقاء صوت عالي جدا(استريو) بتقول ان أي مضيّفه تتهدم فمن الواجب ان احنا نحولها لكنيسه فورا...
8- وطبعا محدش ينسي العسكر ابدا....لان الناس دي يا جماعه هي اللي حمت مش بس الثوار....لا دي حمت مبارك كمان...!!!
وعشان نشكر الناس دي زودنا المرشح السلفي بمجموعة انظمه مختلفه كلها بتقول ان العسكر خط احمر..وانه ولي أم شرعي...وان لا يجوز التظاهر ضده...
وبالمره نحب نطمن امريكا والغرب....ونقول لهم انهم في بالنا دايما...وان احنا برمجنا المرشح السلفي علي شجب وادانة العنف والارهاب والتطرف...وان اي مقاومه او جهاد ضد النظم الاحتلاليه فمرشحنا السلفي عنده مقدره عاليه علي شجبها وادانتها....ويقدر كمان انه يطلع اي مجاهد ايا كان....جاهل ومضحوك عليه...وتم تدعيمه بالايات والاحاديث اللي تم تصحيح سندها ومتنها في معامل ومختبرات (السي اي ايه) عشان يكون منطقه في الحديث سليما...
9- وآخر عرض معانا في حلقة النهارده هو :لـــست البيت البسيطه اللي بتشاهدنا دلوقت...وبنحب نقولها كل سنه وانتي طيبه يا ست الكل...وهديتنا ليكي مع كل مرشح سلفي...عدد( 4 ليفه)....عدد (3 سلك مواعين)...عدد (2 مفرش سرير)...عدد (واحد منفضه)....عدد (واحد شبشب حمام)...عدد 7( طقم جيلي).....وكباية مذهبه لشرب الويسكي براحه وأمان....
ياله اتصل بينا حالا في شركة الفوانيس السحريه ....واطلب اتنين مرشحين سلفيين....واحصل علي الثالث هديه.....!!!
واستنونا في الحلقه الجايه....ومع المفاجأه المتجدده.....(المرشح الاخواني 4..).ودا بعد ما نجحنا ان احنا نطوره ونعمل ليه حزب جديد...
منقول من مركز المقريزي

http://www.alokab.com/forums/index.p...opic=68727&hl=
رد مع اقتباس
 
إضافة رد

أدوات الموضوع ابحث في الموضوع
ابحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع


جميع الأوقات بتوقيت GMT +3. الساعة الآن 01:55 AM.


Powered by vBulletin® Version 3.8.2
Copyright ©2000 - 2024, Jelsoft Enterprises Ltd.